မြန်မာနိုင်ငံစစ်မှုထမ်းဟောင်းအဖွဲ့ ဗဟိုအမှုဆောင်အဖွဲ့ ဥက္ကဌ၏ နှုတ်ခွန်းဆက်သဝဏ်လွှာ
မြန်မာနိုင်ငံစစ်မှုထမ်းဟောင်းအဖွဲ့၏အဖွဲ့၀င်စစ်မှုထမ်းဟောင်းများ၊ အရန်အဖွဲ့၀င်စစ်မှုထမ်းဟောင်းများ၏မိသားစုများအားလုံးကိုယ်စိတ်နှစ်ဖြာကျန်းမာချမ်းသာကြပါစေကြောင်းဆုမွန်ကောင်းတောင်းအပ်ပါတယ်။ မြန်မာနိုင်ငံစစ်မှုထမ်းဟောင်းအဖွဲ့ရဲ့ Website ကိုလွှင့်တင်လိုက်ပြီဖြစ်ပါတယ်။ မြန်မာနိုင်ငံစစ်မှုထမ်းဟောင်းအဖွဲ့ဟာအဓိကအားဖြင့်စစ်မှုထမ်းဟောင်းအဖွဲ့၀င်အချင်းချင်းအပြန်အလှန်ကူညီရေးနဲ့နိုင်ငံတော်ကာကွယ်ရေးကိစ္စတွေမှာအရန်အင်အားအဖြစ်ရပ်တည်ပါ၀င်နိုင်ရေးအတွက်အစိုးရဥပဒေပြဋ္ဌာန်းပြီးဖွဲ့စည်းပေးခဲ့တဲ့အစိုးရမဟုတ်သောအဖွဲ့အစည်းတစ်ခုဖြစ်ပါတယ်။ Website မှာမြန်မာနိုင်ငံစစ်မှုထမ်းဟောင်းအဖွဲ့ရဲ့ရည်ရွယ်ချက်၊ ရှေ့လုပ်ငန်းစဉ်များ၊ တိုင်းဒေသကြီး/ပြည်နယ်နဲ့ မြို့နယ်များဖွဲ့စည်းထားရှိမှု၊ စစ်မှုထမ်းဟောင်းရေးရာကိစ္စရပ်များဆောင်ရွက်နေမှုများအပြင်ထုတ်ပြန်ထားသောအမိန့်၊ ညွှန်ကြားချက်များစသည်တို့ကိုပြည်သူလူထုနဲ့စစ်မှုထမ်းဟောင်းအဖွဲ့၀င်၊ အရန်အဖွဲ့၀င်များသိရှိနိုင်စေရန်ရည်ရွယ်ထုတ်လွှင့်မှာဖြစ်ပါတယ်။ ဒါ့အပြင်အာဆီယံနိုင်ငံများစစ်မှုထမ်းဟောင်းအဖွဲ့၀င်နိုင်ငံတစ်နိုင်ငံဖြစ်တာနဲ့အညီမိမိတို့အဖွဲ့ကြီးရဲ့ဆောင်ရွက်နေမှုများကိုနိုင်ငံတကာစစ်မှုထမ်းဟောင်းအဖွဲ့အစည်းများမှလည်းအလွယ်တကူသိရှိလေ့လာနိုင်ခြင်း၊ နိုင်ငံတကာစစ်မှုထမ်းဟောင်းအဖွဲ့အစည်းများရဲ့ဆောင်ရွက်နေမှုများကိုလည်းလေ့လာနိုင်ပြီးမိမိအတွက်အကျိုးရှိနိုင်မယ့်ကိစ္စရပ်များကိုသိရှိနိုင်ခြင်းစတဲ့အကျိုးကျေးဇူးများရရှိနိုင်မှာဖြစ်ပါတယ်။ ဒါကြောင့်မြန်မာနိုင်ငံစစ်မှုထမ်းဟောင်းအဖွဲ့ရဲ့ Websiteထုတ်လွှင့်ရာမှာသက်ဆိုင်ရာတိုင်းဒေသကြီး/ ပြည်နယ်နဲ့ မြို့နယ်စစ်မှုထမ်း ဟောင်းအဖွဲ့များမှဝိုင်း၀န်းပံ့ပိုးကူညီဆောင်ရွက်ပေးခြင်းအားဖြင့်ကဏ္ဍစုံအချိန်နှင့်တပြေးညီသိရှိပြီးစစ်မှုထမ်းဟောင်းရေးရာကိစ္စရပ်များပိုမိုအောင်မြင်စွာအရှိန်အဟုန်နဲ့ဆောင်ရွက်နိုင်ကြတော့မှာဖြစ်ကြောင်းအသိပေးပြောကြားလိုပါတယ်။ ယခုလိုမြန်မာနိုင်ငံစစ်မှုထမ်း ဟောင်းအဖွဲ့ရဲ့ Website စတင်ထုတ်လွှင့်တဲ့အခါသမယမှာမြန်မာနိုင်ငံစစ်မှုထမ်းဟောင်းအဖွဲ့ရဲ့အဖွဲ့၀င်၊ အရန်အဖွဲ့၀င်မိသားစုအားလုံးကောင်းကျိုးလိုရာဆန္ဒများပြည့်စုံပြီးနိုင်ငံတော်နဲ့အဖွဲ့ကြီးအတွက်ဝိုင်း၀န်းဆောင်ရွက်ကြဘို့တိုက်တွန်းရင်းနှုတ်ခွန်းဆက်သအပ်ပါတယ်။
03-Apr-2024
ရှမ်းပြည်နယ် (တောင်ပိုင်း)၊ နမ့်စန်မြို့ရှိ စစ်မှုထမ်းဟောင်းအဖွဲ့ဝင်များနှင့် မိသားစုဝင်များ၊ ပြည်သူ့စစ်(ဌာနေ)တပ်ဖွဲ့ဝင်များအား ယနေ့နံနက်ပိုင်းတွင် အရှေ့အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မျိုးမင်းထွန်းနှင့် တာဝန်ရှိသူများက နယ်မြေခံ တပ်ရင်းခန်းမ၌ တွေ့ဆုံသည်။ဦးစွာ တိုင်းမှူးက အမှာစကားပြောကြားပြီး စစ်မှုထမ်းဟောင်းအဖွဲ့ဝင်များနှင့် မိသားစုဝင်များ၊ ပြည်သူ့စစ်(ဌာနေ) တပ်ဖွဲ့ဝင်များ၏ တင်ပြချက်များအပေါ် လိုအပ်သည်များ ညှိနှိုင်းဆောင်ရွက်ပေးသည်။ ထို့နောက် တိုင်းမှူးနှင့်တာဝန်ရှိသူများက စစ်မှုထမ်းဟောင်းအဖွဲ့ဝင်များနှင့် မိသားစုဝင်များ၊ ပြည်သူ့စစ်(ဌာနေ)တပ်ဖွဲ့ဝင်များအတွက် ဆန်၊ ဆီ၊ ဆား၊ ပဲနှင့် အာဟာဖြည့်စားသောက်ဖွယ်ရာ ပစ္စည်းများပေးအပ်ပြီး ရင်းရင်းနှီးနှီး လိုက်လံ နှုတ်ဆက်သည်။ထို့ပြင် နယ်မြေခံဆေးကုသရေးအဖွဲ့က စစ်မှုထမ်းဟောင်းအဖွဲ့ဝင်များနှင့် မိသားစုဝင်များ၊ ပြည်သူ့စစ်(ဌာနေ)တပ်ဖွဲ့ဝင်များအား လိုအပ်သည့် ကျန်းမာရေးစစ်ဆေးပေးနေမှုများကို တိုင်းမှူးနှင့်တာဝန်ရှိသူများက လိုက်လံကြည့်ရှုအားပေးပြီး ဆေးရုံတက်ကုသရန် လိုအပ်သူများကို နယ်မြေခံတပ်မတော်ဆေးရုံသို့ တက်ရောက်ကုသနိုင်ရေး စီစဉ်ဆောင်ရွက်ပေးခဲ့ကြောင်း သတင်းရရှိသည်။
03-Apr-2024
တနင်္သာရီတိုင်းဒေသကြီး၊ ထားဝယ်မြို့ရှိ မြို့နယ်စစ်မှုထမ်းဟောင်းအဖွဲ့ဝင်များနှင့် မိသားစုဝင်များအား ယနေ့နံနက်ပိုင်းတွင် ကမ်းရိုးတန်းဒေသတိုင်းစစ်ဌာနချုပ် တိုင်းမှူး ဗိုလ်မှူးချုပ်ကျော်စွာဦးနှင့် တာဝန်ရှိသူများက အဆိုပါမြို့ရှိ စစ်မှုထမ်းဟောင်းအိမ်ရာ၌ သွားရောက်တွေ့ဆုံသည်။ဦးစွာ တိုင်းမှူးက အမှာစကားပြောကြားပြီး စစ်မှုထမ်းဟောင်းအဖွဲ့ဝင်များနှင့် မိသားစုဝင်များ၏ တင်ပြချက်များအပေါ် လိုအပ်သည်များ ညှိနှိုင်းဆောင်ရွက်ပေးသည်။ ထို့နောက် တိုင်းမှူးနှင့်တာဝန်ရှိသူများက စစ်မှုထမ်းဟောင်းအဖွဲ့ဝင်များနှင့် မိသားစုဝင်များအတွက် ဆန်၊ ဆီနှင့် စားသောက်ဖွယ်ရာများ ပေးအပ်ရာ တာဝန်ရှိသူများက လက်ခံရယူကြသည်။ ယင်းနောက် တိုင်းမှူးနှင့်တာဝန်ရှိသူများက စစ်မှုထမ်းဟောင်းအိမ်ရာအတွင်း လှည့်လည်ကြည့်ရှုစစ်ဆေးပြီး နယ်မြေခံဆေးကုသရေးအဖွဲ့က စစ်မှုထမ်းဟောင်းအဖွဲ့ဝင်များနှင့် မိသားစုဝင်များအား လိုအပ်သည့် ကျန်းမာရေးစစ်ဆေးပေးနေမှုများကို လိုက်လံကြည့်ရှုအားပေးခဲ့ကြောင်း သတင်းရရှိသည်။
Previous Events
အာဆီယံနိုင်ငံများစစ်မှုထမ်းဟောင်းအဖွဲ့ ၃၄ ကြိမ်မြောက်အလုပ်အမှုဆောင်အဖွဲ့အစည်းအဝေးနှင့် ၂၁ ကြိမ်မြောက် အထွေထွေညီလာခံ
၂၁-၁၁-၂၀၂၂ မှ ၂၅-၁၁-၂၀၂၂ ထိ
-Centara Grand ဟိုတယ် ဘန်ကောက်မြို့၊ ထိုင်းနိုင်ငံ
အာဆီယံနိုင်ငံများစစ်မှုထမ်းဟောင်းအဖွဲ့ လုပ်ငန်းကော်မတီအစည်းအဝေး
-
-
၁၅-၁၂-၂၀၂၁ မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ်ရုံး အစည်းအဝေးခန်းမမှတဆင့် တက်ရောက်ပါသည်။
၂၄-၁၁-၂၀၂၁ မှ ၂၆-၁၁-၂၀၂၁ ထိ မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ် ညီလာခံခန်းမ ဒက္ခိဏသီရိမြို့နယ်၊ နေပြည်တော်။
Video Conferencing စနစ်ဖြင့် ပြုလုပ်သော အာဆီယံနိုင်ငံများစစ်မှုထမ်းဟောင်းအဖွဲ့ လုပ်ငန်းကော်မတီအစည်းအဝေး
၂၁-၁၀-၂၀၁၀
မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ် အစည်းအဝေးခန်းမတဆင့် တက်ရောက်ပါသည်။
အာဆီယံနိုင်ငံများစစ်မှုထမ်းဟောင်းအဖွဲ့၏ ၁၉ ကြိမ်မြောက် အထွေထွေညီလာခံနှင့် ၃၂ ကြိမ်မြောက်အလုပ်အမှုဆောင်အဖွဲ့အစည်းအဝေး
၈-၁၂-၂၀၁၉ မှ ၁၂-၁၂-၂၀၁၉ ထိ
အာဆီယံနိုင်ငံများစစ်မှုထမ်းဟောင်းအဖွဲ့လုပ်ငန်းကော်မတီအစည်းအဝေး
၃-၇-၂၀၁၉ မှ ၆-၇-၂၀၁၉
(ကမ္ဘောဒီးယားနိုင်ငံ၊ ဆီရမ်ရိမြို့)
အာဆီယံနိုင်ငံများစစ်မှုထမ်းဟောင်းအဖွဲ့၏ (၁၈)ကြိမ်မြောက် အထွေထွေညီလာခံ
၁၁-၁၂-၂၀၁၈ မှ ၁၅-၁၂-၂၀၁၈ ထိ
လာအို, ဗီယင်ကျန်းမြို့
မြန်မာနိုင်ငံစစ်မှုထမ်းဟောင်းအဖွဲ့ အထူးညီလာခံ (၂၀၁၈)
၂၉-၁၀-၂၀၁၈ မှ ၃၁-၁၀-၂၀၁၈ ထိ
ဒက္ခိဏသီရိမြို့နယ်၊ နေပြည်တော်
သတ္တမအကြိမ် မြန်မာနိုင်ငံစစ်မှုထမ်းဟောင်းညီလာခံ (၂၀၁၆)
၁၂-၁၀-၂၀၁၆ မှ ၁၄-၁၀-၂၀၁၆ ထိ
နေပြည်တော်
အာဆီယံနိုင်ငံများစစ်မှုထမ်းဟောင်းအဖွဲ့၏ (၁၇)ကြိမ်မြောက် အထွေထွေညီလာခံနှင့် (၃၀)ကြိမ်မြောက်အလုပ်အမှုဆောင်အစည်းအဝေး
၂၃-၁၁-၂၀၁၇ မှ ၂၇-၁၁-၂၀၁၇ ထိ
ဘရူနိုင်း ဒါရူစလန်, ဘန်ဒါစရီဘီဂါ၀မ်